काठमाडौं। एफसी यु–१७ एसियन कप छनोटअन्तर्गत नेपालले समूह चरणको पहिलो खेलमा साबिक विजेता जापानसँग प्रतिस्पर्धा गर्दैछ।
खेल कतारको दोहास्थित हमद बिन खालिफा स्टेडियमा नेपाली समयअनुसार राति १०:३० बजे हुनेछ। नेपाल र जापान समूह ‘एफ’मा छन्। यो समूहमा होम टिम कतारसँगै मंगोलिया पनि छ।
जापान प्रतियोगिताको सबैभन्दा ससफल टोली यो। यो टोलीले १९९४, २००६, २०१८ र २०२३ मा गरी चारपल्ट उपाधि जितसकेको छ। २०१२ मा उपविजेता बनेको टोलीले २००८, २०१० र २०१६ मा सेमिफाइनलसम्मको यात्रा तय गरेको थियो।
नेपालले गत महिना भुटानमा भएको साफ यु–१७ च्याम्पियनसिप खेलेको थियो। सेमिफाइनलमा भारतसँग ४ २ ले पराजित हुँदै प्रतियोगिताबाट बाहिरिएको नेपालले एसियन कप छनोटमा उत्कृष्ट प्रदर्शन गर्ने लक्ष्य लिएको छ।
