काठमाडौं। कप्तान क्रिस्टियानो रोनाल्डोको पेनाल्टी गोलसँगै अल नासर साउदी प्रो लिगको शीर्ष दुईमा उक्लिएको छ।
अल-शबाब क्लब स्टेडियममा घरेलु टोली अल-शबाबलाई नासरले २-१ ले पराजित गरेको हो। जितसँगै नासरले शीर्ष स्थानको डिफेन्डिङ च्याम्पियन अल हिलालसँगको अंक दूरी चारमा झारेको छ।
सात खेलबाट अल हिलाले २१ अंक पुर्याएको छ। नासरको भने १७ अंक छ। पाँचौं स्थानमा रहेको शबाबको समान खेलबाट १२ अंक छ।
नासरको जितमा एमेरिक लापोर्टे र रोनाल्डोले गोल गरे। ६९औं मिनेटमा लापोर्टेको गोलमार्फत पाहुना टोली नासरले सुरुआती अग्रता लिएको थियो। तर, ९०औं मिनेटमा नासरका अली अल हसनले आत्मघाती गोद्य गरेपछि शबाब खेलमा फर्कियो।
यद्यपि, इन्जुरी समयको सातौं मिनेटमा रोनाल्डोले पेनाल्टीमार्फत गोल गर्दै नासरलाई महत्त्वपूर्ण तीन अंक दिलाए।
