काठमाडौं । अष्ट्रेलियामा जारी बिग बास लिग र बंगलादेशमा जारी बंगलादेश प्रिमियर लिग (बीपीएल) लिग खेलेर नेपाली राष्ट्रिय टोलीका लेग स्पिनर सन्दीप लामिछाने सोमबार स्वदेश फर्किएका छन् ।
नेपाली राष्ट्रिय टोलीसंग संयुक्त अरब इमिरेट्स (युएई) भ्रमणका लागि सन्दीप नेपाल फर्किएका हुन् । बीपीएल क्रिकेटको ६ खेल खेलेर सन्दीप बंगालदेशबाट अपरान्ह नेपाल आइपुगेका हुन् । सिलेट सिक्सर्सबाट बीपीएल खेलेका सन्दीपले ६ खेलमा ४ विकेट लिन सफल भएका थिए ।
नेपालले यसै साताबाट युएईको भ्रमण गर्दैछ । युएई भ्रमणमा नेपालले घरेलु टोलीसंग एकदिवसीय र टी- ट्वान्टी सिरिज खेल्नेछ । नेपाली टोली मंगलबार युएई प्रस्थान गर्नेछ ।
बीपीएल अघि सन्दीपले बिग बास लिग खेलेका थिए । मेलबर्न स्टार्सबाट बिग बास खेलेका सन्दीपले खेलेका ४ खेलमा उत्कृष्ट प्रदर्शन गरेका थिए । सन्दीपले बिग बासको ४ खेलमा ८ विकेट लिन सफल भएका थिए ।
-1736609631.jpeg)
-1736605265.jpeg)
