काठमाडौं। कप्तान रोहितकुमार पौडेल अर्धशतकबाट एक रनले चुकेको खेलमा नेपालले अमेरिकालाई १६५ रनको लक्ष्य दिएको छ।
टस हारेर पहिला ब्याटिङमा उत्रिएको नेपालले निर्धारित २० ओभरमा ९ विकेट गुमाएर १६४ रन बनाएको हो। नेपालका रोहितले सर्वाधिक ४९ रन बनाए। ३३ बलमा चार चौका र एक छक्का प्रहार गरेका उनी रन आउट भए।
ओपनरद्वय अनिलकुमार साह र आसिफ शेखले समान २७ रन बनाए। मध्यक्रमका दीपेन्द्रसिंह ऐरी २८ रनमा आउट हुँदा गुलसनकुमार झाले ११ र कुशल भुर्तेलले १० रनको योगदान दिए।
-1732845388.webp)
