काठमाडौं । अष्ट्रेलियामा जारी बिग बास लिग र बंगलादेशमा जारी बंगलादेश प्रिमियर लिग (बिपिएल) लिग खेलेर नेपाली राष्ट्रिय टोलीका लेग स्पिनर सन्दीप लामिछाने आज (सोमबार) स्वदेश फर्कने भएका छन् ।
नेपाली राष्ट्रिय टोलीसंग संयुक्त अरब इमिरेट्स (युएई) भ्रमणका लागि सन्दीप नेपाल फर्कन लागेका हुन् । सन्दीप अपरान्ह १:२५ मा बिमान बंगलाबाट नेपाल आइपुग्ने कार्यक्रम रहेको छ ।
नेपालले यसै साताबाट युएईको भ्रमण गर्दैछ । युएई भ्रमणमा नेपालले घरेलु टोलीसंग एकदिवसीय र टी- ट्वान्टी सिरिज खेल्नेछ । नेपाली टोली मंगलबार युएई प्रस्थान गर्नेछ ।
बिग बास लिगमा मेलबर्न स्टार्सबाट खेलेका सन्दीपले खेलेका ४ खेलमा उत्कृष्ट प्रदर्शन गरेका थिए । सन्दीपले बिग बासको ४ खेलमा ८ विकेट लिन सफल भएका थिए ।
यस्तै सिलेट सिक्सर्सबाट बीपीएल खेलेका सन्दीपले ६ खेलमा ४ विकेट लिन सफल भएका थिए ।
-1736609631.jpeg)
-1736605265.jpeg)
