अर्जुन काफ्ले ।
पथरी । कीर्तिपुर खुल्ला नकआउट फुटबल प्रतियोगिताको बुधबारको खेलमा सुनौलो कल्याण स्पोर्टिङ्ग क्लब विजयी भएको छ ।
मोरङको पथरीशनिश्चरे ७ कीर्तिपुरमा भएको खेलमा सुनौलो कल्याणले सुन्झोडा युवा फुटबल क्लबलाई ४–२ गोल अन्तरले हराउदै क्वाटरफाइनलमा प्रवेश गरेको हो ।
सुनौलो कल्याणका लागि जुुनियर सावा, रोहन गुरुङ्ग, सन्दिप तामाङ्ग र जोशन कार्कीले १–१ गोल गरे ।
सुन्झोडका लागी विशाल राई र मिन मगरले गोल फर्काए । खेलको म्यान अफ दि म्याच सुनौलो कल्याणका रोहन गुरुङ्ग घोषित भए ।
बिहीबारको खेल भोटेघुम्ती युवा फुटबल क्लब र न्यु सिरीजंघा स्पोर्टिङ्ग क्लब बीच हुनेछ ।
