पथरी। येले स्पोर्टिङ क्लब कीर्तिपुर खुला नकआउट फुटबल प्रतियोगिताको क्वार्टरफाइनलमा प्रवेश गरेको छ।
मोरङको पथरीशनिश्चरे ७ कीर्तिपुरमा मंगलबार भएको खेलमा अमरदह फुटबल क्लबलाई टाइब्रेकरमा ५–३ ले पराजित गर्दै येले अघिल्लो चरणमा पुगेको हो।
निर्धारित समयको खेल बराबरीमा सकिएपछि खेलको छिनोफानो टाइब्रेकरमार्फत गरिएको हो। खेलको म्यान अफ द म्याच येलेका सर्मस लिम्बू घोषित भए ।
बुधबार सुनौलो कल्याण स्पोर्टिङ क्लबले सुन्झोडा युवा फुटबल क्लबसामू चुनौती पेस गर्नेछ।
