निजगढ। सर्लाहीले मधेश प्रदेशस्तरिय यु-९ छनोट क्रिकेट प्रतियोगितामा सप्तरीलाई पराजित गरेको छ। समूह ए अन्तर्गत कलैयाको सिद्धेश्वर क्रिकेट मैदानमा आइतबार भएको खेलमा सर्लाहीले सप्तरीलाई ९२ रनले पराजित गरेको हो।
टस जितेर पहिले ब्याटिङ रोजेको सर्लाहीले ४०.२ ओभरमा अलआउट हुँदै २०३ रन बनाएको थियो। सर्लाहीका जितेश मण्डलले ८० बल खेल्दै सर्वाधिक ५२ रन बनाए।
सप्तरीका सकिम आलमले सर्वाधिक ३ विकेट लिए। २०४ रनको लक्ष्यसहित जवाफी ब्याटिङमा उत्रिएको सप्तरी २२.२ ओभरमा १११ रन बनाउँदै अलआउट भयो। कर्णबहादुर विश्वकर्माले २६ बल खेल्दै सप्तरीका लागि सर्वाधिक २८ रन बनाए।
सप्तरीलाई अलआउट गर्न निरज राजले सर्वाधिक ४ विकेट हात पारे। खेलको प्लेयर अफ द म्याच सर्लाहीका जितेश मण्डल भए।
-1732845388.webp)
