काठमाडौं। लियोनार्डो क्याम्पानाको निर्णायक गोलसँगै इन्टर मियामीले मेजर सकर लिगमा टोरन्टो एफसीलाई पराजित गरेको छ।
आइतबार बिहान भएको खेलमा मियामीले १-० को कठिन जित हात पारेको हो। जितसँगै मियामीले ३३ खेलबाट ७१ अंक पुर्याएको छ। मियामी शीर्ष स्थानमा यथावत् छ। २०औं स्थानको टोरन्टोको ३४ खेलबाट ३७ अंक छ।
लिओनल मेसी ६१औं मिनेटमा मैदान छिरेका थिए। तर, मियामीले जित भने दोस्रो हाफको इन्जुरी समयमा हात पार्यो। ९३औं मिनेटमा लुइस सुआरेजको क्रसमा क्याम्पानाले विजयी गोल गरेका थिए।
