काठमाडौं। जोनाथन डेभिडको गोलसँगै लिलले च्याम्पियन्स लिगमा स्पेनिस क्लब रियल मड्रिडलाई पराजित गरेको छ।
लिलको मैदानमा बुधबार राति भएको खेलमा रियल १–० ले पराजित भएको हो। लिलको यो पहिलो जित हो भने रियलको पहिलो हार हो।
जितसँगै लिलले दुई खेलबाट तीन अंक जोडेको छ। लिल अंक तालिकाको १८औं स्थानमा छ। लिलभन्दा एक स्थान माथि रहेको रियलको समान खेलबाट समान अंक छ।
फिजिकली भएको खेलमा सात पहेंलो कार्ड प्रयोग भएको थियो। रियलका एन्ड्रिक, एडुआर्डो कामाभिगा, जुड बेलिङ्गम, एन्टोनियो रुडिगर र लुका मोड्रिचले पहेंलो कार्ड पाए।
यस्तै, लिलबाट डेभिड र बाफोडे डायकिटेलाई पनि पहेंलो कार्ड देखाइएको थियो। तर, खेलको पहिलो हाफको इन्जुरी समयको तेस्रो मिनेटमा डेभिडले पेनाल्टीमार्फत गरेको गोल नै निर्णायक बन्यो।
