युएईसंग खेल्ने राष्ट्रिय क्रिकेट टोलीको घोषणा, शरद टिमबाहिर

गृहपृष्ठ
क्रिकेट

आइतबार, माघ ६, २०७५ खेलपाटी संवाददाता

काठमाडौं । संयुक्त अरब इमिरेट्स (युएई) संगको एकदिवसीय र टी- ट्वान्टी सिरिजका लागि नेपाली राष्ट्रिय क्रिकेट टोलीको घोषणा भएको छ ।नेपालले आइतबार पारस खड्काको कप्तानीमा ३ वैकल्पिक खेलाडीसहित १६ सदसीय नेपाली टोलीको घोषणा गरेको हो ।

आईसीसीका प्रतिनिधि इमिनुल इस्लाम, मुख्य प्रशिक्षक जगत टमटा र कप्तान पारस खड्का सम्मलित छनोट समितिले नेपाली टोलीको घोषणा गरेको हो । नेपालले प्रारम्भिक चरणमा छनोट भएका २० खेलाडीबाट १६ खेलाडी छनोट गरेको हो ।

युएईसंगको खेलका लागि चार युवा खेलाडीले सिनियर टिममा स्थान बनाएका छन् । अविनाश बोहरा,भिम सार्की, पवन सर्राफ र सन्दीप जोराले सिनियर टिममा स्थान बनाएका हुन् ।

नेपाली टोलीका नियमित सदस्य शरद भेषवाकर भने टिममा परेका छैनन् । विरामी भएपछि शरदले नाम फिर्ता लिएका हुन् । उनलाई ठिक हुन ३- ४ हप्ता लाग्ने बताईएको छ । यस्तै नियमित सदस्य ललित भण्डारी,बिक्रम सोब र सुशन भारी वैकल्पिकमा परेका छन् ।

टोलीका नियमित सदस्य तथा लेग स्पिनर सन्दीप लामिछानेले बंगलादेश प्रिमियर लिग (बीपीएल) खेलेर सोमबार नेपाल आइपुग्ने छन् ।

नेपाली टोली मंगलबार युएईतर्फ प्रस्थान गर्नेछन् । नेपालले युएईसंग तीन खेलको एकदिवसीय र तीन खेलको टी-ट्वान्टी सिरिज खेल्दैछ ।

नेपालले माघ ११ देखि माघ २० सम्म युएईको भ्रमण गर्नेछ । नेपालले युएईसंग पहिले एकदिवसीय सिरिज खेल्नेछ । नेपालले माघ ११, १२ र १४ गते एकदिवसीय सिरिज खेल्नेछ । यस्तै माघ १७, १८ र २० मा टी-ट्वान्टी सिरिज खेल्नेछ । सिरिज दुबईमा हुनेछ ।

युएईविरुद्धको सिरिज नेपालको लागि दोस्रो एकदिवसीय अन्तर्राष्ट्रिय सिरिज हुनेछ । आईसीसीबाट एकदिवसीय मान्यता पाएपछि नेपालले नेदरल्याण्डसंग पहिलो एकदिवसीय सिरिज खेलेको थियो । जुन सिरिज १ - १ को बराबरी भएको थियो ।

नेपालले जिम्बाबेमा भएको विश्वकप छनोटबाट एकदिवसीय मान्यता पाएको थियो । युएईले पनि विश्वकप छनोटबाट एकदिवसीय मान्यता पाएको थियो ।

नेपाली टोली :

पारस खड्का (कप्तान)

ज्ञानेन्द्र मल्ल (उपकप्तान)

अविनाश बोहरा

बसन्त रेग्मी

भिम सार्की

बिनोद भण्डारी

दिपेन्द्र सिंह ऐरी

करण केसी

ललित नारायण राजवंशी

आरिफ शेख