काठमाडौं। आर्सनलले च्याम्पियन लिगमा पहिलो जित निकालेको छ।
घरेलु मैदानमा बिहीबार राति भएको खेलमा आर्सनलले पेरिस सेन्ट जर्मेन (पिएसजी) लाई २–० ले पराजित गरेको हो। पहिलो जितसँगै आर्सनल आठौं स्थानमा उक्लिएको छ। दुई खेलबाट आर्सनलको चार अंक छ। समान खेल खेलेको पिएसजी भने तीन अंकसहित १८औं स्थानमा छ।
लिआन्ड्रो ट्रोसार्डको क्रसमा काई हावर्ट्जले गोल गर्दै २०औं मिनेटमै आर्सनललाई सुरुआती अग्रता दिलाएका थिए। ३५औं मिनेटमा बुकायो साकाले गोल गर्दै आर्सनलको जित पक्का गराए।
