काठमाडौं। बायर्न म्युनिखका स्टार स्ट्राइकर ह्यारी केनको बायाँ घुँडाको चोट सुरुमा सोचेजस्तो गम्भीर नभएको बुन्डेसलिगा क्लबले जनाएको छ।
'क्लबको मेडिकल युनिटले आइतबार गरेको परीक्षणले उक्त जानकारी दिएको हो," बभेरियन पावरहाउसले भनेको छ। क्लबले बुधबार च्याम्पियन्स लिगमा एस्टन भिल्लासँग खेल्नेछ। यो खेलमा केन फिट हुने या नहुने बारे केही बताएको छैन।
शनिबार बुन्डेसलिगामा बायर्नले बायर लेभरकुसेनसँग १–१ गोलको बराबरी खेल्दा अमिन अदलीसँग जुध्न पुग्दा उनको घुँडामा चोट लागेको हो। त्यसपछि ३१ वर्षीय फरवार्ड मैदानबाट बाहिरिएका थिए।
केनले लेभरकुसेनविरुद्ध गोल गर्न नसके पनि यो सिजन बायर्नको आक्रमणमा महत्त्वपूर्ण भूमिका खेलेका छन्। उनले पहिलो चार लिग खेलमा पाँच गोल गरे र थप छ गोल गरे। च्याम्पियन्स लिग खेलमा दिनामो जाग्रेबमाथि ९–२ को जितमा उनले चार गोल गरेका थिए।
उनले बायर्नको पहिलो जर्मन कप खेलमा पनि गोल गरेका थिए।
