एजेन्सी । जर्मन बुन्डेस लिगा फुटबलमा लिग लिडर बोरुसिया डर्टमण्डले साँघुरो जित निकालेको छ । शनिबार राति भएको खेलमा डर्टमण्डले आरबि लिपजीङलाई १-० गोल अन्तरले पराजित गरेको हो ।
लिपजीङको मैदानमा भएको खेलमा डर्टमण्डलाई जित दिलाउन एलेक्स विसलले निर्णायक गोल गरे । पहिलो हाफको १९ औ मिनेटमा विसलले गरेको गोलमा डर्टमण्डले ३ अंक पाएको हो ।
यो जितसंगै डर्टमण्डले दोस्रो स्थानको वायर्न म्युनिखविरुद्ध ६ अंकको अग्रता बनाउन सफल भएको छ । डर्टमण्डले १८ खेलबाट ४५ अंक जोडेको छ । म्युनिखको ३९ अंक छ । ३१ अंक जोडेको लिपजीङ चौथो स्थानमा छ ।
