काठमाडौं। नेपाल साफ यु-१७ को सेमिफाइनलबाटै बाहिरिएको छ। शनिबार भएको खेलमा भारतसँग ४-२ ले पराजित हुँदै नेपाल अन्तिम चारबाट बाहिरिएको हो।
खेलको पहिलो हाफ गोलरहित बराबरीमा सकिएकझो थियो। तर, दोस्रो हाफमा सात मिनेटको अन्तरालमै विशालले दुई गोल गर्न पुगेपछि नेपालको यात्रा रोकिएको हो। उनले ६१ र ६८औं मिनेटमा गोल गरे। तर, ८१औं मिनेटमा कप्तान सुवास बमले गोल गर्दै नेपाललाई २-१ को स्थितिमा ल्याएका थिए।
नेपालको उक्त खुसी चार मिनेट पनि टिकेन। भारतका ऋषी सिंहले अर्को गोल गरेपनि नेपाल ३-१ ले पछि पर्यो। त्यसको चार मिनेटपछि भारतमा मोहम्मेद क्याफले आत्मघाती गोल गर्न पुग्दा नेपाल ३-२ को स्थितिमा थियो।
तर, इन्जुरी समयको पाँचौं मिनेटमा हेम्नीचुङ लुन्किमले अर्को गोल गर्दै भारतलाई ४-२ को सहज जित दिलाए।
