एजेन्सी । स्पेनिस ला लिगा फुटबलमा एट्लेटिको मड्रिडले सहज जित निकालेको छ । शनिबार राति भएको खेलमा एट्लेटिकोले हुएस्कालाई ३ - ० गोल अन्तरले हराएको हो ।
हुएस्काको मैदानमा भएको खेलमा एट्लेटिकोलाई जित दिलाउन लुकास हर्नान्डेज, सान्टियागो एरिअस र कोकेले समान एक एक गोल गरे ।
जितसंगै एट्लेटिकोले लिग लिडर बार्सिलोनासंगको अंक दुरी घटाउन सफल भएको छ । लिगको दोस्रो स्थानको एट्लेटिकोले ४१ अंक जोडेको छ । शीर्ष स्थानको बार्सिलोनाको ४३ अंक छ । पराजित हुएस्का ११ अंकसहित लिगको पुछारमा छ ।
ला लिगा अन्तर्गत नै अर्को खेलमा भ्यालेन्सियाले सेल्टा भिगोलाई २ - १ गोल अन्तरले हराएको छ ।
