एजेन्सी । पाकिस्तानले घरेलु टोली दक्षिण अफ्रीकाविरुद्धको पहिलो एकदिवसीय क्रिकेटमा जित निकालेको छ । शनिबार राति भएको खेलमा पाकिस्तानले दक्षिण अफ्रीकालाई ५ विकेटले हराएको हो ।
पोर्ट एलिजावेथमा दक्षिण अफ्रीकाले दिएको २६७ रनको लक्ष्य पाकिस्तानले ४९ ओभर १ बलमा मात्र ५ विकेट गुमाएर पुरा गर्यो ।
पाकिस्तानको जितमा इमाम उल हकले ८६ तथा मोहम्मद हाफिजले अविजित ७१ रनको अर्धशतकीय इनिङस खेले । यस्तै बाबर आजमले ४९ रन बनाए । दक्षिण अफ्रिकाका डुवाने ओलिभरले २ विकेट लिए ।
यसअघि टस जितेर पहिले ब्याटिङ गरेको दक्षिण अफ्रीकाले पुरै ५० ओभर खेल्दै २ विकेट गुमाएर २६६ रन जोडेको थियो । दक्षिण अफ्रीकाका हसिम अमलाले अविजित १०८ रनको शतकीय इनिङस खेले । यस्तै हेण्ड्रिक भान डेरले ९३ रन जोडे । पाकिस्तानका हसन अली र सादव खानले एक एक विकेट लिए ।
यो जितसंगै पाकिस्तानले टोलीविरुद्धको पाँच खेलको एकदिवसीय सिरिजमा १ - ० को अग्रता बनाएको छ । दुई टोलीबीचको दोस्रो एकदिवसीय मंगलबार हुनेछ ।
-1736609631.jpeg)
-1736605265.jpeg)
