काठमाडौं। कोशी प्रदेश एन्फा महिला लिगमा त्यो मोडमा छ अब उसलाई एक जितले नै दोस्रो चरणमा पुर्याइदिन्छ। त्यही जितका लागि कोशीले बिहीबार प्रतियोगिताकै कमजोर टोली सुदूरपश्चिम प्रदेशसँग खेल्ने छ। यो खेल दिउँसो ३:३० बजे हुनेछ।
जितविहीन रहँदै प्रतियोगिताबाट बाहिरिसकेको सुदूरपश्चिमलाई यो खेल आफ्नो अस्तित्व जोगाउने बहानाबाहेक केही हुनेछैन। तर, कोशीलाई भने जित आवश्यक छ। यही बराबरी या हार बेहोरेको खण्डमा बागमती युथ क्लबको नतिजाअनुसार दोस्रो चरणमा जाने नजाने टुंगो लाग्छ। जितले भने कोशी ९ खेलबाट १४ अंक बटुल्दै दोस्रो चरणमा पुग्छ।
त्यसैले कोशीका मुख्य प्रशिक्षक श्याम मानन्धर भन्छन्,'हामीलाई जित त्यति गाह्र छैन। सुदूरपश्चिमलाई नै जितेर अर्को चरणमा पुग्छौं।'
