एजेन्सी । ईङ्लिस प्रिमियर लिग फुटबलको 'लण्डन डर्बी'मा आर्सनलले जित निकालेको छ । शनिबार राति ईमिरेट्स स्टेडियममा भएको खेलमा आर्सनलले चेल्सीलाई २–० गोल अन्तरले हराएको हो ।
जितसंगै आर्सनलले प्रिमियर लिगको शीर्ष चार भित्रको दौडमा आफुलाई कायम राखेको छ ।
आर्सनल ४४ अंक सहित पाँचौ स्थानमा छ । चौथो स्थानको चेल्सी मात्र ३ अंकले अगाडी छ ।
घरेलु मैदानमा आर्सनलले पहिलो हाफमै २–० को अग्रता लिएको थियो । दोस्रो हाफमा दुवैतर्फबाट गोल हुन नसकेपछि आर्सनलले महत्वपुर्ण जित हात पारेको हो ।
खेलको १४ औ मिनेटमा एलेकजेन्टर लाकाजेट्टीको गोलबाट घरेलु टोलीले अग्रता लिएको थियो । ३९ औ मिनेटमा लाउरेन्ट कोस्सिल्नीले गोल गर्दै आर्सनलको अग्रता दोब्बर पारेका थिए ।
गोलका प्रशस्त अवसर सिर्जना गरेपनि चेल्सी गोल गर्न असफल भयो ।
