काठमाडौं। नेपालको एकदिवसीय वरीयता खस्किएको छ। आइसिसी लिग २ खेलिरहेको नेपालको प्रदर्शन पछिल्लो समय खस्किँदै गएको छ। लिग २ का आठमध्ये ६ खेलमा हार बेहोरेको छ।
एक खेलमा जित हासिल गर्दा एक खेल वर्षका कारण रद्द हुँदा अंक बाँड्न परेको थियो।
अन्तर्राष्ट्रिय क्रिकेट परिषद् (आइसिसी)को नयाँ वरीयतामा नेपाल एक स्थान तल खस्किएको छ। नेपाल पहिला १६औं स्थानमा थियो। तर, नयाँ वरीयतामा भने नेपाल १७औं स्थानमा छ।
नेपालभन्दा अगाडि क्यानडा र अमेरिका छन्। क्यानडाले चार र अमेरिकाले एक स्थान सुधार गरेका हुन्। नामिबिया तीन स्थान खस्किएर १८औं मा पुग्दा ओमानले पनि नकरात्मक अंक हासिल गरेको छ।
