एजेन्सी । स्पेनिस ला लिगा फुटबलमा रियल मड्रिडले सहज जित निकालेको छ । शनिबार भएको खेलमा रियलले सेभियालाई २ - ० गोल अन्तरले पराजित गरेको हो ।
घरेलु मैदानमा रियललाई जित दिलाउन कासीमिरो र लुका मोड्रीचले एक एक गोल गरे । पहिलो हाफ गोलरहित बराबरीमा सकिएको खेलको दोस्रो हाफमा दुई गोल गर्दै रियलले जित निकालेको हो ।
खेलको ७८ औ मिनेटमा कासीमिरोले गोल गर्दै रियललाई १ - ० को अग्रता दिलाएका थिए । त्यसपछि खेलको ९० औ मिनेटमा मोड्रीचले गोल गर्दै रियललाई २ - ० को सहज जित दिलाए ।
जितसंगै तेस्रो स्थानको रियलले २० खेलबाट ३६ अंक जोडेको छ । र, रियलले शीर्ष दुई क्लब बार्सिलोना र एट्लेटिको मड्रिडविरुद्ध अंक दुरी घटाउन सफल भएको छ । पराजित सेभिया ३३ अंक जोडेर चौथो स्थानमा छ ।
