पथरी। मोरङको कीर्तिपुरमा खुला नकआउट फुटबल प्रतियोगिता हुने भएको छ। दशैं तथा तिहारको अवसरमा असोज १४ गतेबाट कीर्तिपुरमा खुला नकआउट फुटबल प्रतियोगिता हुन लागेको आयोजक न्यू स्टार फुटबल क्लबका अध्यक्ष दिवस खजुमले बताए।
स्थानीय बालकल्याण माध्यमिक विद्यालयको खेल मैदानमा हुने प्रतियोगितामा १६ टिम सहभागी हुनेछन्। पथरीशनिश्चरे ७ को न्युस्टार क्लबले आयोजना गर्ने यो प्रतियोगिताको विजेताले ५० हजार र उपविजेताले २५ हजार र ट्रफी प्राप्त गर्नेछन्। विधागतमा समेत खेलाडीहरूलाई पुरस्कृत गरिने खजुमले जानकारी दिए।
