बारा । संकटा क्लब सिमरा गोल्डकप फुटबल प्रतियोगिताको क्वार्टरफाईनलमा प्रवेश गरेको छ । सरस्वती युथ क्लबलाई टाईब्रेकरमा ३–१ ले हराउँदै संकटा अन्तिम ८ मा प्रवेश गरेको हो ।
सिमरा रंगशालामा निर्धारित समयको खेल गोल रहित बराबरीमा सकिएपछि निर्णय टाईब्रेकरमा गरिएको थियो । संकटाका सुरज गुरुङ, लक्ष्मण रुचाल र रोमन लिम्बुले गोल गरेका थिए । संकटाका अमित तामाङको प्रहार आकासिएको थियो । दिपेश आलेमगरको प्रहार क्रसबारमा लागेर फर्किएको थियो ।
सरस्वतीका मोहन गुरुङको प्रहारले मात्र पोस्टको दिशा लियो । भिक्टोर, रमेश घिसिङ, दिपक गुप्ता टाईब्रेकरमा गोल गर्न असफल भएका थिए ।
खेलमा अग्रता सरस्वतीले २८ औ मिनेटमा मोहन गुरुङको गोलबाट लिएको थियो । ५८ औ मिनेटमा संकटाका जय गुरुङले गोल गर्दै खेल बराबरीमा ल्याएका थिए । संकटाले अब सेमिफाईनल प्रवेशका लागि रुस्लान थ्री स्टारसंग खेल्नेछ ।
प्रतियोगिता अन्तर्गत भोली आर्मी र एपीएफले प्रतिस्पर्धा गर्नेछन् ।
