काठमाडौं । केलियन एमबाप्पेको गोलबाट प्रेरित रियल मड्रिडले स्पेनिस लिगमा जित निकालेको छ ।
शनिबार राति रियल मड्रिडले एस्पेनयोललाई ४–१ ले हराएको हो ।
ला लिगाको आफ्नो तेस्रो खेलमा एमबाप्पेले चौथों गोल गरे । जसमा रियलले पुनरागमन जित निकाल्न सफल रह्यो ।
दोस्रो हाफको नवौं मिनेटमा गोलकिपर थिबाउ कोर्टोईसले आफ्नै पोस्ट जोफ्रे केरेरासको क्रसलाई छिराएपछि रियल खेलमा पछि परेको थियो ।
त्यसको चार मिनेटमा ड्यानी कार्भाजलले रियलका लागि बराबरी गोल फर्काए । ब्राजिली खेलाडी रोड्रिगो र भिनिसियस जुनियरले लगातार गोल गरेपछि रियल ३–१ को अवस्थामा पुगेको थियो । खेलको अन्तिम मिनेटमा एमबाप्पेले पेनाल्टीमा गोल गर्दै रियललाई ४–१ को शानदार जित दिलाए ।
रियलले लिगको सुरुवाती ६ खेल मध्य चार खेलमा जित निकालेको छ । रियल शीर्ष स्थानको बार्सिलोना भन्दा एक अंकले पछि छ ।
रियलको १४ अंक छ । एस्पेनयोल ७ अंक सहित तालिकाको १३ औं स्थानमा छ ।
-1732712797.jpeg)
