काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको सिलेट सिक्सर्सले बंगलादेश प्रिमियर लिग (बीपीएल) मा पाँचौ हार व्यहोरेको छ । शनिबार भएको खेलमा रंगपुर राइडर्स ४ विकेटले पराजित हुँदै सिक्सर्सले पाँचौ हार व्यहोरेको हो ।
सिलेटमा सिक्सर्सले दिएको १९५ रनको लक्ष्य राइडर्सले १९ ओभर ३ बलमा ६ विकेट गुमाएर पुरा गर्यो । राइडर्सका रिले रोश्सोले ६१ रन जोड्दा एबी डी भिलियर्सले ३४ रन जोडे ।
यसअघि टस हारेर पहिले ब्याटिङ गरेको सिक्सर्सले पुरै २० ओभर खेल्दै ४ विकेट गुमाएर १९४ रन बनाएको थियो । सिक्सर्सका लागि सब्बीर रहमानले ८५ रनको अर्धशतकीय इनिङस खेले । यस्तै निकोलस पुरनले अविजित ४७ रन जोडे । राइडर्सका मश्रुफ मोर्टाजाले २ विकेट लिए ।
सन्दीपको टिम सिक्सर्स ४ अंक जोडेर लिगको छैटौं स्थानमा छ । राइडर्स ६ अंक जोडेर तेस्रो स्थानमा उक्लिएको छ ।
-1736609631.jpeg)
-1736605265.jpeg)
