काठमाडौं। डिफेन्डिङ च्याम्पियन इन्टर मिलान इटालीको सिरी ‘ए’ मा हारबाट जोगिएको छ।
आइतबार राति भएको खेलमा इन्टरले मोन्जसँग १–१ को बराबरी खेलेको हो। यो बराबरीपछि इन्टर मिलान अंक तालिकको दोस्रो स्थानमा रह्यो र
उसको चार खेलबाट आठ अंक छ ।
खेल सकिन दुई मिनेट बाँकी रहँदा इन्टरका लागि डेनजेल डुमफ्रेसले बराबरी गोल गरेका थिए। यही गोलले इन्टर हारबाट मात्रै जोगिएन एक अंक प्राप्त गर्न सफल पनि भयो।
त्यस अगाडि ड्यानी मोटाले ८१ औं मिनेटमा गोल गर्दै मोन्जालाई सुरुआती अग्रता दिलाएका थिए। नेपोली भने लगातार तेस्रो जित हासिल गर्दै ९ अंकसहित शीर्ष स्थानमा उक्लिएको। नेपोलीले अर्को खेलमा कागिलिरीलाई ४–० ले हराएको थियो।
-1732413260.jpg)
