काठमाडौं। साउदी प्रो लिगमा अल नासर हारबाट जोगिएको छ। अल-अवल पार्कमा शुक्रबार सम्पन्न खेलमा नासरले अल अहलीसँग १-१ को बराबरी खेलेको हो।
बरारीसँगै नासर शीर्ष स्थानमा उक्लिन चुकेको छ। तीन खेलबाट पाँच अंक जोडेको नासर छैटौं स्थानमा छ। समान खेलबाट चार अंक जोडेको अहली नवौं स्थानमा छ।
फिरास अल- बुराइकनको पासमा गोल गर्दै फ्रान्क केइसीले ५७औं मिनेटमै अहलीलाई सुरुआती अग्रता दिलाएका थिए। तर, इन्जुरी समयको नवौं मिनेटमा बसम अल-हुरेजीले आत्मघाती गोल गर्न पुग्दा नासरले एक अंक हात पार्यो।
