काठमाडौं । थाइल्याण्ड महिला टी ट्वान्टी स्म्यास क्रिकेटको फाइनलमा नेपालले अहिले घरेलु टोली थाइल्याण्डको सामना गरिरहेको छ ।
बैंककमा थाइल्याण्डविरुद्ध नेपालले टस जितेर पहिले फिल्डिङ गरिरहेको छ । थाइल्याण्ड अहिले ब्याटिङ गरिरहेको छ ।
समूह चरणमा अपराजित रहदै फाइनल पुगेको नेपाली टोलीले उपाधिका लागि थाइल्याण्डको सामना गरिरहेको हो ।
थाइल्याण्डविरुद्ध नेपाल उपाधि जित्ने लक्ष्यसहित मैदान उत्रिएका छन् । लामो समय उपाधि बिहिन रहदै आएको महिला क्रिकेट टोलीलाई उपाधि ल्याउने सुनौलो अवसर छ । तर, घरेलु समर्थकको साथ पाएको थाइल्याण्डविरुद्ध नेपाललाई कठिन चुनौती भने रहेको छ ।
समूह चरणमा अपराजित र सेमिफाइनलमा इन्डोनेसियालाई हराएको नेपाल उच्च मनोबलमा रहेको छ । शुक्रबार भएको सेमिफाइनलमा नेपालले इन्डोनेसियालाई ९२ रनले हराएको थियो ।
यता, थाइल्याण्ड पनि अपराजित रहदै फाइनलमा पुगेको हो । सेमिफाइनलमा थाइल्याण्डले युएईलाई हराएर नेपालसंगको भेट पक्का गरेको थियो ।
-1736609631.jpeg)
-1736605265.jpeg)
