काठमाडौं। एन्फा महिला लिगमा शुक्रबार चौथो चरणको अन्तिम खेलमा चन्द्रपुर नगरपालिका र सुदूरपश्चिम प्रदेश भिड्दैछन्।
खेल सातदोबाटोस्थित एन्फा कम्प्लेक्समा दिउँसो ३ बजे हुने खेलमा दुवै टोली पहिलो जितको लक्ष्यमा हुनेछन्।
चन्द्रपुर तीन खेलमा दुई अंकका साथ अंकतालिकाको आठौं स्थानमा छ। चन्द्रपुरले कर्णाली प्रदेश र संकटा क्लबसँग बराबरीमा खेलेको हो। विभागीय टोली एपिएफ क्लबसँग भने पराजित हुन पुग्यो।
सुदूरपश्चिम भने अकंविहिन बन्दै पुछारमा छ। बागमती युथ क्लब र दुई विभागीय टोली नेपाल पुलिस क्लब र त्रिभुवन आर्मी फुटबल क्लबसँग सुदूरपश्चिम पराजित भएको थियो।
