काठमाडौं। रेनुका नगरकोटीको दुई गोलसँगै साबिक विजेता एफिएफले एन्फा महिला लिगमा लगातार दोस्रो जित हासिल गरेको छ।
सातदोबाटोस्थित एन्फा कम्प्लेक्समा सोमबार सम्पन्न खेलमा एपिएफले चन्द्रपुर नगरपालिकालाई ६-० ले हराएको हो। योसँगै तीन खेलबाट सात अंक जोडेको एपिएफ अंक तालिकाको दोस्रो स्थानमा उक्लिएको छ। चन्द्रपुरको भने यो लगातार दोस्रो हार हो।
रेनुकाको दुई र सविता रानामगरको एक गोलमा एपिएफले पहिलो हाफमै ३-० को अग्रता लिएको थियो। त्यसपछि रश्मीकुमारी घिसिङ, प्रीति राई र गीता रानाले तीन गोल थप्दै एपिएफलाई फराकिलो जित दिलाएका हुन्।
