बारा । विभागीय टिम एपीएफ सिमरा गोल्डकप फुटबलको क्वार्टरफाईनलमा प्रवेश गरेको छ । शुक्रबार भएको खेलमा विरगञ्जको विशाल मेमोरियल फाउन्डेशनलाई पराजित गर्दै एपीएफले अन्तिम ८ मा स्थान पक्का गरेको हो ।
सिमरा रंगशालामा भएको खेलमा एपीएफलाई जिताउन आशिष लामाले गोल गरे ।
खेलको ३६ औ मिनेटमा उनले गरेको गोल एपीएफलाई जिताउन पर्याप्त बन्यो । विजय गोल गर्ने आशिषनै खेलको म्यान अफ दी म्याच घोषित भए ।
एपीएफले अब सेमिफाईनल प्रवेशका लागि विभागीय टिम आर्मीसंग प्रतिस्पर्धा गर्नेछ ।
प्रतियोगिताको विजेताले ६ लाख तथा उपविजेताले ३ लाख नगद सहित ट्रफि प्राप्त गर्नेछन् ।
-1734966939.jpeg)
