काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको सिलेट सिक्सर्सले बंगलादेश प्रिमियर लिग (बीपीएल) क्रिकेटमा चौथो हार व्यहोरेको छ ।
शुक्रबार भएको खेलमा ढाका डाइनामाइट्ससंग ६ विकेटले पराजित हुँदै सिक्सर्सले चौथो हार व्यहोरेको हो ।
सिक्सर्सले दिएको १५९ रनको लक्ष्य डाइनामाइट्सले १७ ओभरमा ४ विकेट गुमाएर पुरा गर्यो । डाइनामाइट्सका लागि शकिब अल हसनले ६१ रनको अर्धशतकीय इनिङस खेले । यस्तै आन्द्रे रुसेलले अविजित ४० रन जोडे ।
सिक्सर्सका मोहमद इरफानले २ विकेट लिए । सन्दीपले ४ ओभर बलिङ गर्दै १ विकेट लिएर २७ रन खर्चिए ।
यसअघि टस जितेर ब्याटिङ गरेको सिक्सर्सले पुरै २० ओभर खेल्दै ८ विकेट गुमाएर १५८ रन बनाएको थियो । सिक्सर्सका लागि कप्तान डेभिड वार्नरले ६३ रनको अर्धशतकीय इनिङस खेले । यस्तै लिटोन दासले २७ तथा जकार अलीले २५ रन जोडे ।
सन्दीप लामिछाने सुन्य रनमा अविजित रहे । डाइनामाइटसका एन्ड्रयु बिर्चले ३ विकेट लिए ।
यो हारसंगै सन्दीपको टिम सिक्सर्सको प्ले अफ यात्रा कठिन बनेको छ । छैटौं स्थानको सिक्सर्सले ६ खेलमा ४ अंक जोडेको छ ।
डाइनामाइट्सले ६ खेलबाट १० अंक जोडेको छ । डाइनामाइट्स शीर्ष स्थानमा छ ।
-1736609631.jpeg)
-1736605265.jpeg)
