काठमाडौं । नेपाली राष्ट्रिय टोलीका लेग स्पिनर सन्दीप लामिछानेले बंगलादेश प्रिमियर लिग (बीपीएल) क्रिकेट अन्तर्गत ढाका डाइनामाइट्सविरुद्धको खेलमा मध्यम प्रदर्शन गरेका छन् ।
सिलेट सिक्सर्सबाट बीपीएल खेलिरहेका सन्दीपले डाइनामाइट्सविरुद्ध ४ ओभर बलिङ गर्दै १ विकेट लिएर २७ रन खर्चिएका छन् ।
सन्दीपले आफ्नो पहिलो ओभरमा मात्र विकेट लिन सफल भए । उनले पहिलो ओभरको तेस्रो बलमा रोनी तालुकदारलाई १३ रनमा बोल्ड आउट गरे । सन्दीपले पहिलो ओभरमा ३ रन खर्चेर १ विकेट लिन सफल भए ।
त्यसपछि तीन ओभरमा भने सन्दीपले विकेट लिन सकेनन् । सन्दीपले दोस्रो ओभरमा ७, तेस्रोमा १२ र चौथो ओभरमा ४ रन खर्चिए ।
सिलेटमा जारी खेलमा सिक्सर्सले दिएको १५९ रनको लक्ष्यसहित अहिले डाइनामाइट्सले ब्याटिङ गरिरहेको छ।
-1736609631.jpeg)
-1736605265.jpeg)
