काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको सिलेट सिक्सर्सले बंगलादेश प्रिमियर लिग (बीपीएल) मा ढाका डाइनामाइट्सलाई जितका १५९ रनको लक्ष्य दिएको छ ।
सिलेटमा टस जितेर ब्याटिङ गरेको सिक्सर्सले पुरै २० ओभर खेल्दै ८ विकेट गुमाएर १५८ रन बनायो । सिक्सर्सका लागि कप्तान डेभिड वार्नरले ६३ रनको अर्धशतकीय इनिङस खेले । यस्तै लिटोन दासले २७ तथा जकार अलीले २५ रन जोडे ।
सन्दीप लामिछाने सुन्य रनमा अविजित रहे । डाइनामाइटसका एन्ड्रयु बिर्चले ३ विकेट लिए ।
डाइनामाइट्सविरुद्ध मैदान उत्रदा सिक्सर्स तेस्रो जितको खोजीमा हुनेछ । प्ले अफ संभवाना जीवित राख्न सिक्सर्सलाई आजको खेल महत्वपूर्ण हुनेछ । सन्दीपको टिम सिक्सर्स ४ अंक जोडेर लिगको छैटौं स्थानमा छ । डाइनामाइट्स ८ अंक जोडेर शीर्ष स्थानमा छ ।
-1736609631.jpeg)
-1736605265.jpeg)
