काठमाडौं। लिओनल मेसीबिनाको इन्टर मियामीले मेजर लिग सकरमा सिकागो फायरलाई पराजित गरेको छ। आइतबार बिहान भएको खेलमा मियामी ४-१ ले विजयी भएको हो।
जितसँगै शीर्ष स्थानमा रहेको मियामीले २७ खेलबाट ५९ अंक जोडेको छ। समान खेल खेलेको सिकागो २६ अंकसहित १३औं स्थानमा छ।
मेसी खुट्टाको चोटबाट निको हुन संघर्ष गरिरहेका छन्। त्यसैले उनी मैदानमा फर्किन सकेका छैन। यद्यपि, उनीबिना पनि मियामीले जित हासिल गरिरहेको छ।
मियामीको जितमा लुइस सुआरेजले दुई गोल गरे। रफबर्ट टेलरले एक गोल गर्दा अर्को एक गोल भने टोबियास सालक्विस्टले उपहार दिएका थिए।
टोबियासले २५औं मिनेटमै आत्मघाती गोल गर्दिँदा मियामीलाई सुरुआत गर्न सजपलो भएको थियो। दोस्रो हाफको सुरुआतमै डिएगो गोमेजले मिलाइदिएको पासमा सुआरेजले गोल गर्दै अग्रता दोब्बर बनाए।
६५औं मिनेटमा जोर्डी अल्बाले अर्को उत्कृष्ट मौका सिर्जना गर्दिए। त्यसैको फाइदा उठाउँदै सुआरेजले व्यक्तिगत दोस्रो तथा टोलीका लागि तेस्रो गोल गरे।
दोस्रो हाफको इन्जुरी समयको तेस्रो मिनेटमा टेलरले टोलीका लागि तेस्रो गोल गरे। यसपल्ट उनलाई लियोनार्डो क्याम्पानाले अवसर सिर्जना गर्दिए।
