काठमाडौं। म्यानचेस्टर युनाइटेडले उरुग्वेका डिफेन्सिभ मिडफिल्डर म्यानुएल उगार्टेलाई पेरिस सेन्ट जर्मेन (पिएसजी) बाट अनुबन्ध गरेको छ।
उनलाई पाँच करोड युरो (पाँच करोड ५७ लाख अमेरिकी डलर) मा अनुबन्ध गरिएको हो। युनाइटेडले यसअघि स्ट्राइकर जोशुआ जिर्कजी, सेन्टर ब्याक लेनी योरो, म्याथिज डे लिग्ट र फुल ब्याक नोसायर माजराउईलाई भित्र्याएको थियो।
सन् २०२९ सम्मका लागि अनुबन्धमा हस्ताक्षर गरेका २३ वर्षीय उगार्टेले ३२ वर्षीय कासेमिरोलाई प्रतिस्थापन गर्नेछन्।
