काठमाडौं। एथ्लेटिक बिल्बाओले स्पेनिस ला लिगामा भ्यालेन्सियालाई १–० ले पराजित गरेको छ। बिल्बाओको यो पहिलो जित हो।
बुधबार राति बेनाट प्राडोस डियाजले ४५ औं मिनेटमा गरेको गोल नै निर्णायक बन्न पुग्यो । उनले ओस्कार मार्कोसको पासमा हेडर गोल गरे। बिल्बाओले पहिलो जितसँगै तीन अंक जोडेको छ। भ्यालेन्सियाको भने यो लगातार तेस्रो हार हो ।
ला लिगाकै अर्को खेलमा अलाभेसले रियल सोसिडाडलाई २–१ ले पराजित गरेको छ । अलाभेसले तीन खेलबाट चार अंक बटुलेको छ। समान खेल खेलेको सोसिडाडको तीन अंक छ । यसैगरी भालाडोलिड र लेगानेस तथा एट्लेटिको मड्रिड र एस्पानोलले गोलरहित बराबरी खेल्दै अंक बाडेका छन्।
