काठमाडौं । नेपालले थाइल्याण्डमा जारी थाइल्याण्ड महिला टी -ट्वान्टी स्म्यास क्रिकेटको पहिलो सेमिफाइनलमा अहिले इन्डोनेसियाको सामना गर्दैछ ।
बैंककमा इन्डोनेसियाविरुद्ध नेपालले पहिले ब्याटिङ गर्ने भएको छ । इन्डोनेसियाले टस जितेर पहिले फिल्डिङ रोजेपछि नेपालले ब्याटिङ गर्न लागेको हो ।
प्रतियोगितामा समूह 'ए' को विजेता बनेको नेपालले समूह 'बी' को उपविजेता इन्डोनेसियासंग खेल्न लागेको हो ।
आज नेपाल इन्डोनेसियालाई हराउँदै फाइनल पुग्न चाहन्छ । इन्डोनेसिया पनि नेपाललाई हराएर उपाधि नजिक पुग्न चाहन्छ । विजेताले फाइनलमा युएई र थाइल्याण्डबीचको बिजेतासंग खेल्नेछ ।
प्रतियोगिताको समूह चरणमा नेपाल अपराजित रहदै सेमिफाइनलमा पुगेको हो ।
नेपालले पहिलो खेलमा चीनलाई १० विकेटले हराएको थियो । यस्तै दोस्रो खेलमा मलेसियालाई ६ विकेटले पराजित गरेको थियो । तेस्रो खेलमा युएईलाई ६ विकेटले हराएको नेपालले अन्तिम खेलमा थाइल्याण्ड 'ए' लाई ९ विकेटले हराएको थियो ।
-1736609631.jpeg)
-1736605265.jpeg)
