काठमाडौं। चेल्सीका मिडफिल्डर रोमियो लाभिया फेरि घाइते भएका छन्।
इङ्लिस प्रिमियर लिगअन्तर्गत आइतबार वुल्भ्समा भएको खेलमा लाभियालाई टोलीमा समावेश गरिएको थिएन। प्रशिक्षक एन्जो मारेस्काले मिडफिल्डरलाई ह्यामस्ट्रिङको सामान्य समस्या रहेको बताएका छन्।
लाभिया गत समरमा चेल्सीमा अनुबन्ध भएका थिए। तर, चोटका कारण लगभग पूरै सिजन उनले गुमाए। गत साता म्यानचेस्टर सिटीसँग २–० ले पराजित हुँदा उनले प्रिमियर लिगमा आफ्नो पहिलो सुरुआत गरेका थिए।
एट्लेटिको मड्रिडबाट चेल्सी फर्किएका जोआओ फेलिक्सले बेन्चबाट सुरुआत गरेका थिए। रहिम स्टर्लिंग फेरि पनि टोलीमा अटाउन सकेनन्।
