ललितपुर । ललित स्मृति अन्डर १८ फुटबल च्याम्पियनसिपमा जावलाखेल युथ क्लब र बिग्रेट ब्वाईज क्लबले बराबरी खेल्दै अंक बाँडेका छन् । समुह बी अन्तर्गत आज भएको दोस्रो खेलमा जावलाखेल र बिग्रट ब्वाईजले २–२ गोलको बराबरी खेलको हुन् ।
सातदोबाटोस्थित एन्फा टेक्निकल सेन्टरमा अग्रतालाई जोगाउन नसक्दा दुवै टोलीले बराबरी खेल्दै अंक बाँडेका हुन् । खेलको २४ औ मिनेटमा बिग्रेट ब्वाईजले शिशिर लेखीको गोलबाट अग्रता थियो । तर त्यसको ४ मिनेटपछि रजत तिवारीको गोलमार्फत जावलाखेल खेलमा फर्किएको थियो ।
खेलको ५० औ मिनेटमा पवन शाहीले जावलाखेललाई अग्रता दिलाएका थिए । तर ७१ औ मिनेटमा सचु गुरुङले गोल गर्दै खेल बराबरीमा ल्याइएका हुन् ।
पहिलो खेलमा पुलिसलाई हराएको मोरङले तीन अंक जोडेको छ ।
जावलाखेल र बिग्रेट ब्वाईजले समान एक एक अंक जोडेका छन् । विभागीय टिम पुलिस अंक विहिन हुदै पुछारमा छ ।
