काठमाडौं। युभेन्ट्सले इटालियन सिरी ‘ए’ मा यसै सिजन बढुवा भएको कोमोमाथि सहज जित निकालेको छ।
सोमबार राति भएको खेलमा युभेन्ट्स ३–० ले विजयी भएको हो। युभेन्ट्सको जितमा स्यामुएल एमबान्गुला, टिमोथी वेह र आन्द्रे काबिसोले गोल गरे।
जितसँगै युभेन्ट्सका नयाँ प्रशिक्षक थिएगो मोटोले सुखद् सुरुआत गरेका छन्। २३औं मिनेटमा स्यामुएलले गोल गर्दै खेलमा युभेन्ट्सलाई सुरुआती अग्रता दिलाएका थिए। पहिलो हाफको इन्जुरी समयमा टिमोथीले उक्त अग्रता दोब्बर बनाए।
४७औं मिनेटमा डुसान भ्लाहोभिकले गोल गरेपनि भिएआरले मान्यता दिएन। खेलको इन्जुरी समयमा आन्द्रेले गोल गर्दै युभेन्ट्सलाई ३–० को सहज जित दिलाए।
