पथरी। पटक पटक स्थगित भएको पथरीशनिश्चरे गोल्डकपको मिति तय भएको छ। पथरी स्पोटिङ्ग क्लबले आयोजना गर्ने गोल्डकप असोज ५ देखि १२ गतेसम्म आयोजना हुने भएको हो।
पथरीशनिश्चरेस्थित पथरी रंगशालामा हुने प्रतियोगितामा ‘ए’ डिभिजनका क्लब र मोफसलका गरी आठ क्लबले सहभागिता जनाउन लागेको आयोजक क्लबका अध्यक्ष सुमन विकले जानकारी दिए।
मिति तोकिएसँगै गोल्डकपको तयारी सुरु गरिएको विकको भनाइ छ। प्रथम पथरीशनिश्चरे गोल्डकप २०८१ नाम दिइएको सो प्रतियोगिताको विजेताले पाउने रकम खुलाइएको छैन।
प्रतियोगिता सञ्चालनका लागि आवश्यक तयारी थालिएको र सहभागी हुने टोलीको तय केही दिनमै गरिने विकले जानकारी दिए।
