काठमाडौं। स्पेनिस ला लिगा क्लब रियल मड्रिडका फ्रेन्च मिडफिल्डर एडुआर्डो कामाभिन्गा सात हप्ता मैदान बाहिर रहने भएका छन्। बुधबार सुपर कपको प्रशिक्षणका क्रममा घुँडामा चोट लागेपछि उनले सिजनका सुरुआती खेल गुमाउने भएका हुन्।
क्लबले जारी गरेको विज्ञप्तिमा भनिएको छ, ‘आज गरिएको परीक्षणपछि हाम्रा खेलाडी एडुआर्डो कामाभिन्गाको बायाँ घुँडाको लिगामेन्टमा चोट आएको पाइएको छ।’
इटालियन क्लब एटलान्टाविरुद्धको सुपर कपको खेल बुधबार वार्साको नेसनल स्टेडियममा प्रशिक्षणका क्रममा २१ वर्षीय एडुआर्डो घाइते भएका हुन् ।
उनले युरो कप २०२४ मा फ्रान्सका लागि चार खेल खेलेका थिए। रियालको ला लिगा उपाधि रक्षाका लागि सोमबार मालोर्काविरुद्ध खेल्दै ला लिगा सुरु गर्नेछ।
