काठमाडौं। एसी मिलानले सिल्भियो बर्लुस्कोनी ट्रफी जितेको छ। सिरी ‘ए’ सुरु हुनुअघि बुधबार बिहान भएको खेलमा मिलानले मोन्जालाई ३–१ ले पराजित गरेको हो।
प्रि–सिजनमा मिलानको यो तेस्रो जित हो। मिलानले यसअघि रोमा र रियल मड्रिडलाई पराजित गरेको थियो।
बुधबार बिहान भएको खेलमा मिलानले मोन्जालाई ३–१ ले पराजित गरेको हो। मिलान जित दिलाउन एलेक्सिस सेलेमेकर, लुका जोभिक र तिजानी रेइन्डर्सले गोल गरे। मोन्जाका डेनियल माल्डिनीले गरेको गोल सान्त्वना रह्यो।
११औं मिनेटमै सेलेमेकरले गोल गर्दै मिलानलाई सुरुआती अग्रता दिलाएका थिए। ३४औं मिनेटमा माल्डिनीले खेल बराबरीमा ल्याए ४७औं मिनेटमा जोभिकले मिलानलाई पुन: अग्रता दिलाए। ५६औं मिनेटमा गोल गर्दै रेइन्डर्सले मिलानलाई ३–१ ले जिताए।
