काठमाडौं। प्रि–सिजनको अन्तिम मैत्रीपूर्ण खेलमा लस पाल्मससँग लिभरपुल गोलरहित बराबरीमा रोकिएको छ।
आइतबार राति भएको खेलमा लिभरपुल गोलरहित बराबरीमा रोकिएको हो। लिभरपुलले पाल्मरसँग एन्डी रोबर्टसन, हार्वो इलियट, डार्विन नुनेज र कोडी गाक्पोजस्ता खेलाडीलाई मैदान उतारेको थियो।
यद्यपि, लिभरपुलले एकै दिन भएको दोस्रो खेलमा भने जित निकाल्न सकेन। आइतबार नै भएको पहिलो मैत्रीपर्ण खेलमा भने लिभरपुलले सेभिलालाई ४-१ ले पराजित गरेको थियो।
यो खेलमा मुख्य गोलरक्षक एलिसनसहित भर्जिल भ्यान डाइक, ट्रेन्ट अलेक्जेन्डर-अर्नोल्ड, एलेक्सिस म्याक एलिस्टर, मोहम्मद सलाह, डियोगो जोटा र लुइस डियाज मैदान उत्रिएका थिए।
लिभरपुलले अर्को शनिबार इप्विच टाउनसँग खेल्दै प्रिमियर लिगको सुरुआत गर्नेछ। इप्विच टाउन यसै सिजन प्रिमियर लिगमा उक्लिएको हो।
