काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको सिलेट सिक्सर्सले बंगलादेश प्रिमियर लिग (बीपीएल) क्रिकेटमा दोस्रो जित निकालेको छ ।
बुधबार भएको खेलमा रंगपुर राइडर्सलाई २७ रनले हराउँदै सिक्सर्सले दोस्रो जित निकालेको हो ।
सिलेटमा सिक्सर्सले दिएको १८८ रनको लक्ष्यसहित जवाफी ब्याटिङ गरेको राइडर्सले पुरै २० ओभरमा ६ विकेट गुमाएर १६० रन मात्र बनाउन सक्यो । राइडर्सका लागि रीली रोस्सोउले ५८ तथा मोहमद मिथुनले ३५ रन जोडे । कप्तान मोर्टाजाले अविजित ३३ रन जोडे ।
सिक्सर्सका मेहदी हसन र तास्किन अहमेदले २/२ विकेट लिए । सन्दीपले ४ ओभर बलिङ गर्दै १८ रन खर्चिएर १ विकेट लिए ।अघिल्ला दुई खेलमा विकेट लिन नसकेका सन्दीपले चौथो ओभरको पाँचौ बलमा बेनी होएललाई १३ रनमा बोल्ड आउट गरे ।
यसअघि टस हारेर ब्याटिङ गरेको सिक्सर्सले पुरै २० ओभर खेल्दै ५ विकेट गुमाएर १८७ रन बनाएको थियो ।
सिक्सर्सका लागि कप्तान डेभिड वार्नर र लिटोन दासले अर्धशतकीय इनिङस खेले । वार्नरले अविजित ६१ रन जोड्दा दासले ७० रन जोडे । राइडर्सका साफुल इस्लामले ३ विकेट लिए ।
जितसंगै सिक्सर्सले ५ खेलबाट ४ अंक जोडेको छ । र, सिक्सर्स लिगको छैटौं स्थानमा उक्लिएको छ । राइडर्स ६ खेलबाट ४ अंक जोडेर पाँचौ स्थानमा छ ।
-1736609631.jpeg)
-1736605265.jpeg)
