काठमाडौं। म्यान्चेस्टर युनाइटेडलाई पराजित म्यान्चेस्टर सिटीले एफए कम्युनिटी शिल्ड जितेको छ। सिटीले सातौंपल्ट उपाधि जितेको हो।
यसअघि १९३७,६८,७२,२०१२,०१८ र ०१९ मा सिटीले उपाधि जितेको थियो। वेम्बलीमा भएको फाइनलमा युनाइटेडलाई पेनाल्टी सुटआउटमा सिटीले ७–६ ले पराजित गर्यो। त्यसअघि दुवै टोलीले १–१ को बराबरी खेलेका थिए।
८२औं मिनेटमा ब्रुनो फर्नान्डिसले उपलब्ध गराइदिएको पासमा अलेजान्ड्रो गार्नाचोले गोल गर्दै युनाइटेडलाई सुरुआती अग्रता दिलाए।
तर, निर्धारित खेल सकिन एक मिनेट बाँकी रहँदा ओस्कर बबले बराबरीमा ल्याउन मद्दत गरे। उनले दिएको पासमा बर्नार्डो सिल्भाले गोल गरे। त्यसपछि खेल पेनाल्टी सुटआउटमा गएको थियो।
