काठमाडौं। सुफियान रहिमीको दुई गोलसँगै मोरक्कोले पेरिस ओलम्पिक २०२४ अन्तर्गत पुरुष फुटबलमा तेस्रो भएको छ।
बिहीबार राति तेस्रो स्थान अर्थात् कांस्य पदकका लागि भएको खेलमा मोरक्कोले इजिप्टलाई ६-० ले पराजित गरेको हो। ओलम्पिकमा मोरक्कोले जितेको यो पहिलो पदक हो। सेमिफाइनलमा मोरक्को स्पेनसँग र इजिप्ट फ्रान्ससँग पराजित भएका थिए।
२३औं मिनेटमै अब्दे इज्जलजौलीले गोल गर्दै मोरक्कोलाई सुरुआती अग्रता दिलाए। २६औं मिनेटमा रहिमीले उक्त अग्रता दोब्बर बनाए।
५१औं मिनेटमा बिलाल खनौसले अग्रता ३-० मा पुर्याए। त्यसको १३ मिनेटपछि रहिमीले व्यक्तिगत दोस्रो र टोलीका लागि चौथो गोल गरे।
७३औं मिनेटमा अक्रम नकचले गोल गरे। ८७औं मिनेटमा अचराफ हाकिमीले गोल गर्दै ६-० को जित दिलाए।
-1732534788.jpg)
