काठमाडौं । सिलेट सिक्सर्सबाट बंगलादेश प्रिमियर लिग (बीपीएल) क्रिकेट खेलिरहेका सन्दीप लामिछाने रंगपुर राइडर्सविरुद्धको खेलमा टिममा परेका छन् ।
सिलेटमा हुने खेलका लागि सिक्सर्सले निकालेको प्लेईङ सेटमा सन्दीप टोलीमा अटाएका हुन् । यसअघि तेस्रो खेलमा सन्दीप सिक्सर्सको टिममा थिएनन् । डेब्यु खेलमा उत्कृष्ट प्रदर्शन गरेपनि त्यसपछिका दुई खेलमा महंगा साबित भएपछि सन्दीप चौथो खेलमा टोलीमा नपरेका हुन् ।
सिक्सर्सविरुद्ध राइडर्सले टस जितेर पहिले फिल्डिङ रोजेको छ ।
राइडर्सविरुद्ध मैदान उत्रदा सन्दीपको टिम सिक्सर्स दोस्रो जितको खोजीमा हुनेछ । लिगमा तीन खेल गुमाईसकेको सिक्सर्सलाई प्ले अफमा पुग्ने सम्भावना जीवित राख्न राइडर्सविरुद्धको खेल जित्नै पर्ने दबाब छ ।
सन्दीपको टिम सिक्सर्स २ अंक जोडेर लिगको छैटौं स्थानमा छ । राइडर्स ४ अंक जोडेर तेस्रो स्थानमा छ ।
-1736609631.jpeg)
-1736605265.jpeg)
