काठमाडौं। पेरिस सेन्ट जर्मेन (पिएसजी) ले १९ वर्षीय पोर्चुगिज डिफेन्सिभ मिडफिल्डर जोआओ नेभेसलाई अनुबन्ध गरेको छ।
पीएसजी र बेनफिकाले वित्तीय विवरण सार्वजनिक गरेको छैन। उनलाई सन् २०२९ सम्मका लागि अनुबन्ध गरिएको हो।
उनी बेनफिका एकेडेमीको उत्पादन हुन्। नेभेसले क्लबका लागि सबै प्रतियोगिताहरूमा ७५ खेल खेलेका छन्। पोर्चुगलबाट पनि उनले ९ खेल खेलेका छन्।
उनले सन् २०२२–२३ को सिजनमा प्रिमिरा लिगा र गत वर्ष बेनफिकाबाट सुपरटाका क्यान्डिडो डी ओलिभेराको उपाधि जितेका थिए।
